Charter Document - 03400408
| Charter Number: | 03400408 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1289 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis Cristi fidelibus presentis pagine seriem inspecturis Willelmus miseratione divina episcopus Sar salutem in domino sempiternam Noverit universitas vestra quod cum inter religiosos viros dilectos nobis in Cristo filios abbatem et conventum Abendon ex una parte et Maynardum vicarium ecclesie sancte Helene Abendon nostre diocesis a parte altera super oblationibus provenientibus ad capellam in honore sancti Edmundi infra limites parochie dicte ecclesie sancte Helene constructam et dedicatam quas idem vicarius vendicabat fuisset aliquantulum in presentia nostra disceptatum demum nostro interveniente rogatu de utriusque partis spontanea voluntate et communi assensu predicta altercatio taliter conquievit quod prenominati abbas et conventus pro se et successoribus [suis] promiserunt et tenentur tradere et solvere singulis annis in crastino Pentecostes vicario antedicto et successoribus suis pro oblationibus memoratis quinque solidos sterlingorum et dictus vicarius pro se et successoribus [suis] omni iuri et actioni quod vel que sibi [competiit] vel competere potuit aliquo modo in oblationibus antedictis intervenientibus auctoritate nostra et assensu renuntiavit expresse In cuius rei testimonium sigilla partium predictarum huic scripto dupplicato penes utramque partem residenti appensa sunt alternatim Et ad maiorem huius rei fidem sigillum nostrum fecimus apponi eidem Dat et act Abendon xii kl Iulii anno domini MCCLXX octogesimo nono et consecrationis nostre anno primo