Charter Document - 03400403
| Charter Number: | 03400403 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1288 |
| Date type: | Internal, A.D., Calendar |
| Resource Link(s): |
|
Charter:
Universis Cristi fidelibus ad quos presentes litere pervenerint H permissione divina Sarr episcopus salutem in Cristo Ihesu Ut ex deprecacione vivorum dormientes in Cristo se sentiant relevatos ipsique viventes per labores quos in carne gesserint remissionis gratiam super commissis inveniant salutarem pie excitationis gratia devocionem fidelium per allectiva indulgenciarum munera ad orandum libencius invitamus De dei igitur misericordia beatissime virginis et matris Marie omniumque sanctorum meritis confidentes omnibus parochianis nostris et aliis quorum dyocesani hanc nostram indulgenciam ratam habuerint de peccatis suis vere penitentibus contritis et confessis qui ad tumbam domini Willelmi le Lungespeye quondam comitis Sar devote accesserint cuius corpus in capella beate Marie in maiori ecclesia Sarr requiescit humatum ibique pro anima dicti domini Willelmi et animabus omnium fidelium defunctorum orationem dominicam cum salutatione beate Virginis dixerint fida mente quadraginta dies de iniuncta sibi penitentia deo propicio misericorditer relaxamus indulgencias vero a venerabilibus patribus coepiscopis nostris huius rei gratia concessas et inposterum concedendas ratas habentes et acceptas testimonio presencium quibus sigillum nostrum appendi fecimus ad memoriam futurorum Dat apud Wodeford septimo id Februarii anno domini MCCLXX octogesimo septimo