Charter Document - 03400402
| Charter Number: | 03400402 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1287 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi domino suo reverendo domino Edwardo dei gratia illustri regi Angl[ie] domino Hibern[ie] et duci Aquit[anie] suus presbiter Henricus miseratione divina Sarr ecclesie minister salutem et prosperos semper ad vota successus Excellencie vestre humiliter supplico et devote quatinus ad pertinaciam Iohannis Selyman et Willelmi Haim laicorum reprimendam qui ob multiplicatas contumacias simul et offensas maioris excommunicationis sententia sunt innodati ac in sententia ipsa per annum et amplius animo indurato claves ecclesie contempnentes dampnabiliter perstiterunt cum ecclesia ulterius non habeat quid faciat auxilium brachii secularis in partiri dignemini in hac parte ut quos timor dei a malo non revocat temporalis pena coherceat a peccato Valeat et bene prosperetur honor et excellencia vestre magnitudinis semper in domino Datum apud Sunning iiii idus Augusti anno gratie MCCLXXX septimo