Charter Document - 03400400
| Charter Number: | 03400400 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1288 |
| Date type: | Internal, Feast, Regnal |
| Resource Link(s): |
|
Charter:
Universis Cristi fidelibus has literas inspecturis vel audituris Henricus miseratione divina Sarr episcopus salutem in domino sempiternam Sciatis nos ad instantiam domine Alianore matris domini Edwardi dei gratia illustris regis Anglie et ad instantiam religiose domine Marie eiusdem domini regis filie monialium domus Ambresbir de ordine Fontis Ebraudi concessisse quantum in nobis est quod Gilbertus Chynne civis noster Nove Sar possit dare et assignare priorisse et conventui Ambresbirie domus predicte totum tenementum illud cum pertinentiis quod de nobis tenet in Nova Sar salvis nobis et ecclesie nostre Sarr et successoribus nostris servitiis inde nobis debitis et consuetis Concessimus etiam per hoc scriptum quod predicta priorissa et conventus Ambresbir liberum habeant ingressumn in predictum tenementum cum pertinentiis secundum formam donationis assignationis et feoffamenti quam predictus Gilbertus eis inde faciet salvis nobis quatuor solidatis annui redditus et aliis servitiis nobis inde debitis secundum consuetudinem predicte civitatis Et si contingat predict[am] priorissam et conventum in parte vel in toto dicti redditus aliquo casu deficere liceat nobis sine aliqua contradictione vel impedimento dictum tenementum distringere quousque nobis plenarie fuerit satisfactum Et quia volumus quod hoc scriptum sit inter nos in modum cirographi bipartitum parti huius scripti penes dict[am] priorissam et conventum remanenti sigillum nostrum duximus apponendum et parti eiusdem scripti penes nos remanenti predicta priorissa pro se et conventu sigillum suum quo solo utuntur apposuit Dat apud Wodeforde die sancti Wolstani episcopi et confessoris anno regni regis Edwardi sextodecimo