Charter Document - 03400396
| Charter Number: | 03400396 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1286 |
| Date type: | Internal, A.D., Calendar |
| Resource Link(s): |
|
Charter:
Walterus miseratione divina Sarr episcopus religiosis viris priori et conventui de Suwyk Winton diocesis ordinis sancti Augustini salutem et pacem in domino sempiternam Sancte religionis fervor in vobis exuberans et opera caritatis que cunctis indigentibus ad vos frequenter declinantibus affluenter exhibetis nos excitant et inducant ut devotionem vestram in hac parte iuvare debeamus et cum effectu commendare Ideoque devotis vestris precibus ad instantiam serenissime domine nostre Alianore dei gratia regine Angl[ie] matris regis libentius inclinati annuam centum solidorum pensionem de fructibus et proventibus ecclesie de Swyndon nostre diocesis vestrique patronatus ab antiquo vobis debitam et solutam et per predecessores nostros Sarr episcopos vobis concessam ac per eiusdem ecclesie rectorem in iudicio recognitam et confessatam in festo Resurrectionis dominice et in festo sancti Michaelis per manus rectoris eiusdem ecclesie qui pro tempore fuerit pro equalibus portionibus perpetuis temporibus vobis persolvendam ad hospitalitatis gratiam quam ultra vires laudabiliter excercetis sustentandam prehabito super hoc cum decano et capitulo nostro Sarr tractatu diligenti et eorum expresso consensu subsecuto vobis concedimus et auctoritate pontificali confirmamus Et in huius rei fidem et testimonium presentes literas inpressione sigilli nostri ac inpressione communis sigilli predicti capituli fecimus communiri Dat apud Remmesbur x kal Iunii anno gratie MCCLXXX sexto