Charter Document - 03400394
| Charter Number: | 03400394 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1284 - 1286 |
| Date type: | Assigned |
| Resource Link(s): |
|
Charter:
Noverint universi presentes literas visuri vel audituri quod nos Walterus miseratione divina Sar episcopus olim dum eramus decanus in ecclesia nostra Sar certos redditus in puram et perpetuam elemosinam vicariis eiusdem ecclesie contulimus ut perpetuis temporibus singuli sua die prout fuissent intabulati pro animabus Roberti Scamell patris nostri et Matild[is] uxoris sue matris nostre ac nostra cum debitum carnis exsolverimus unam missam in eadem ecclesia celebrarent vel per ydoneum presbiterum celebrari procurarent Cupientes igitur vicarios ipsos ad huiusmodi missam ferventius et felicius animare de decani et capituli nostri Sar expresso consensu domos nostras quas extra portam orientalem clausi sui tenuimus aliquamdiu de eisdem et que prius fuerant magistri Ricardi de Henton cementarii predictis vicariis damus legamus et assignamus per presentes cum omnibus iuribus et pertinentiis suis perpetuis temporibus possidendas salvis redditibus et servitiis de eisdem debitis et consuetis statuentes quod predicta missa singulis diebus celebretur in altare beate Katerine virginis et custos eiusdem altaris diligenter exploret et procuratori vicariorum denuntiet quis vicarius missam huiusmodi celebrare neglexerit ut eo die denarius diurnus subtrahatur negligenti et conferatur alii vicar[io] negligentiam suam supplere volenti si fieri potest sin autem alicui ydoneo presbitero ut semper procedat officium pro defunctis Volumus insuper et statuimus quod procurator vicariorum singulis annis duos solidos et custos altaris unum obolum qualibet septimana de predictis redditibus habeant et percipiant pro sua diligentia totumque residuum quod de redditibus ad missam ipsam ab initio vel in presenti per nos assignatis superfuerit inter ipsos vicarios qui laborem sustinuerint per portiones equales dividatur et distribuatur Et in omnium premissorum fidem et testimonium presentem cartam sigilli nostri simul et communis sigilli capituli nostri impressione fecimus communiri