Charter Document - 03400386
| Charter Number: | 03400386 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1286 |
| Date type: | Internal, A.D. |
| Resource Link(s): |
|
Charter:
Magnifico principi et domino nostro E dei gratia regi Angl[ie] illustri domino Hibern[ie] et duci Aquit[anie] Walterus eiusdem permissione Sarr ecclesie minister humilis salutem et prosperos semper ac felices ad vota successus Quia Iohannes Smewine capellanus et Iohannes Farman de Hungerford laicus auctoritate ordinaria pro offensis suis manifestis excommunicationis sententia innodati in eadem sententia per xl dies et amplius claves ecclesie contempnentes animo indurato permanserunt incorrigibiles cum ecclesia ultra non habeat quid faciat serenitatem vestram regiam devote rogamus quatinus ad reprimendam eorundem rebellium maliciam secularis vestre potestatis brachium secundum regni vestri consuetudinem contra ipsos excercere velitis ut quos dei timor a malo non revocat severitas saltem coherceat discipline temporalis Valeat et bene prosperetur excellencia vestra regia semper in domino Dat apud Remmesbur vii id Iunii anno gratie MCCLXXX sexto