Charter Document - 03400385
| Charter Number: | 03400385 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1286 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino Edwardo dei gratia regi Angl[ie] illustri domino Hibern[ie] et duci Aquit[anie] Walterus eiusdem permissione Sarr ecclesie minister humilis salutem et prosperos semper ac felices ad vota successus Quia Edwardus Puppard de Neubur clericus auctoritate ordinaria pro offensa sua manifesta excommunicationis sentencia innodatus in eadem sententia per quadraginta dies et amplius claves ecclesie contempnens animo indurato permansit incorrigibilis cum ecclesia ultra non habeat quid faciat serenitatem vestram regiam devote rogamus quatinus ad reprimendam eiusdem rebellis maliciam secularis vestre potestatis brachium secundum regni vestri consuetudinem contra ipsum exercere velitis ut quem dei timor a malo non revocat severitas saltem coherceat discipline temporalis Valeat et bene prosperetur excellencia vestra regia semper in domino Datum apud Sunning vi nonas Marcii anno gratie MCCLXXX quinto