Charter Document - 03400381
| Charter Number: | 03400381 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1286 |
| Date type: | Internal, A.D., Calendar, Episcopal |
| Resource Link(s): |
|
Charter:
Walterus miseratione divina Sarr episcopus religiosis viris dilectis in Cristo filiis abbati et conventui monasterii de Cern ordinis sancti Benedicti nostre dioecesis salutem gratiam et benedictionem Summe religionis fervor in vobis exuberans ac forma discipline regularis cum virga debita correctionis semper intenta ceteris vestre professionis e vobis radians operumque caritatis continua distributio quam omnibus indigentibus ad vos undique confluentibus sine delectu personarum affluenter impenditis miti manu nos compellunt ut in huius progressu vestro gratioso merito congaudentes corda vestra confortemus quatinus de cetero dirigantur ad maiora Devotis igitur ac iustis et honestis vestris supplicationibus inclinati prehabito cum decano et capitulo nostro Sarr super eis tractatu diligenti et eorum expresso consensu subsecuto portiones et pensiones omnes et singulas in nostra dioecesi vobis ab antiquo debitas et solutas et per ipsos de quibus eas percipitis in iudicio confessatas per predecessores nostros episcopos Sarr vobis concessas eorundem vestigiis inherentes in hac parte vobis concedimus et auctoritate pontificali confirmamus cum integritate percipiendas et perpetuis futuris temporibus pacifice possidendas et ad memoriam futurorum eas in carta presenti propriis nominibus et in certis speciebus et quantitatibus duximus exprimendas Videlicet ecclesiam de Cerne cum capell et omnibus iuribus et pertinentiis suis ecclesiam de Kymerich cum omnibus iuribus et pertinentiis suis ecclesiam de Offepudel cum omnibus iuribus decimis et pertinentiis suis duas partes decimarum de dominico Ricardi de Musters in villa de Mustereston provenientium in parochia de Hynepudele totam decimam de dominico vestro in Winterborn Abbatis provenientem exceptis dumtaxat decimis garbarum totam decimam de dominico vestro in Remmescumbe reddendo singulis annis rectori ecclesie de Worth unam acram frumento seminatam duos agnos et unum caseum totam decimam garbarum et feni culture et prati de Mulebrok et duas partes decimarum garbarum et feni unius hyde de dominico de Hupringstede decimas de novalibus vestris et nutrimentis animalium vestrorum in dominico vestro de Wllebrigg in parochia de Stok annuam pensionem quinquaginta et duorum solidorum in ecclesia de Symundesberge annuam pensionem unius marce in ecclesia de Haukechurch annuam pensionem duorum solidorum in ecclesia de Rappol annuam pensionem quinque solidorum in ecclesia de Pokeswell annuam pensionem sex marcarum in ecclesiis de Langebrid et Littlebrid annuam pensionem duorum solidorum in ecclesia de Blockesworth annuam pensionem decem solidorum in capella de Minterne et decimas de dominico vestro quod habetis ibidem provenientes reddendo singulis annis eiusdem capelle rectori nomine decimarum tres acras frumento seminatas in campo de Mynterne et tres acras frumento seminatas in campo de Cern ex parte boreali unam marcam in ecclesia de Porstok et medietatem omnium proventuum oratorii Sancti Aldelmi in parochia de Worth Et in omnium premissorum fidem et testimonium presentem cartam impressione sigilli nostri et impressione communis sigilli predicti capituli fecimus communiri Datum in capitulo nostro Sarr v idus Septembris anno gratie MCCLXXX sexto pontificatus nostri anno secundo