Charter Document - 03400379
| Charter Number: | 03400379 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 - 1286 |
| Date type: | Assigned |
| Resource Link(s): |
|
Charter:
W[alterus] dei gratia Sar dilecto filio H de M rectori ecclesie de B salutem et dei benedictionem Literis reverendi patris domini O[ttobonus] miseratione divina sancti Adriani dyaconi cardinalis olim ab apostolica sede in Anglia legati nobis ex parte tua ostensis non cancellatis non abolitas nec in aliqua sui parte vitiatis intelleximus quod dictus pater per literas suas patentes venerabili patri tunc Sar episcopo mandavit ac officium suum excitando eundem monuit ne ecclesiam tuam de Blaneford vicario in eadem instituendo oneraret maxime cum ipsius ecclesie ad sustentationem rector[is] et vicar[ii] non sufficiunt facultates et cum in eadem ecclesia residentiam facere et ordines quos ipsius ecclesie cura requirit recipere proximis statutis temporibus post dictam gratiam concessam computandis paratus fueris humiliter et devote Nos igitur attendentes te legitima causa usque ad hec tempora fuisse prepeditum quo minus ad ordinem sacerdotii posses promoveri exilitatem etiam proventuum ecclesie predicte quod honeste non sufficiunt ad rector[is] et vicar[ii] sustentationem in eadem considerantes de gratia speciali quantum ad nos pertinet tibi concedimus quod portiones vicar[ie] olim per Sar episcopum assignatas una cum rectoria coniunctim retinere possis integraliter tanquam rector dum tamen ad ordines quos ipsius ecclesie cura requirit proximis statutis temporibus te facias promoveri ac residentiam facias in eadem personalem ut per hec et alia que supra tetigimus ab onere vicarii merito valeas excusari