Charter Document - 03400371
| Charter Number: | 03400371 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1274 |
| Date type: | Assigned |
| Resource Link(s): |
|
Charter:
W A salutem Post multa diversa et inopinata inpedimenta in negotio nostro successive emergentia per que negotium ipsum diutius exstitit prorogatum tandem largitore gratie suam desuper gratiam infundente cessantibus omnibus inpedimentis dominica tali per manus talis archiepiscopi asistentibus sibi omnibus suffraganeis suis tunc Lugdun presentibus de mandato et auctoritate summi pontificis consecrationis nostre munus recepimus Et quia de statu nostro quodam modo dubitantes desideranti animo et prestolanti desiderio hec audire cupivistis iam est diu prout diversarum transmissarum nobis ex parte vestra tenor epistolarum continebat hec vobis significamus ut nobiscum congratulemini et illi gracias nobiscum agatis de cuius munere venit gratie plenitudo Vos autem quam citius poterimus personaliter visitare disponimus domino concedente