Charter Document - 03400370
| Charter Number: | 03400370 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino suo excellenti domino Edwardo dei gratia regi Angl[ie] domino Hybern[ie] et duci Aquit[anie] Robertus eiusdem miseracione Sarr ecclesie minister humilis salutem et semper prosperos ac felices ad vota successus cum omni reverencia et honore Celebrata nuper electione in monasterio Schefton tunc abbatissa vacante de persona religiose domine dilecte in Cristo filie domine Laurencie de Muscegros monialis eiusdem loci et per vos acceptata prout in vestris regiis apicibus vidimus contineri nos electionem ipsam per religiosas mulieres Agnetem de Dors et Aliciam de Lavinton procuratrices dilectarum filiarum priorisse et conventus loci predicti ad hoc deputatas nobis presentatam quam premissa examinacione diligenti canonicam invenimus et de persona ydonea concorditer esse factam pontificali auctoritate confirmavimus iusticia exigente et munus benedictionis fecimus impendi eidem quod magnificencie vestre intimamus per presentes ut circa ipsius electe confirmate et iam benedicte personam quod vestrum est exequi dignemini graciose Crescat et magnificetur honor et excellentia vestra semper in domino Datum apud Sunnigg xviii kalendas Iulii anno gratie MCCLXX nono