Charter Document - 03400366
| Charter Number: | 03400366 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Assignment, Gift |
| Date: | 1277 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit Robertus de Wychampton miseratione divina Sarr episcopus salutem in domino sempiternam Honores et beneficia que de decanatu ecclesie Sarr recepimus de cuius bonis dum curam decanatus eiusdem gessimus diu viximus velut filius pendens ad ubera matris attendentes dignum merito arbitramur ut aliquid gratie eidem decanatu pro receptis ab eodem beneficiis recompensare debeamus Ea propter cum decani qui pro tempore fuerint ad perpetuam residentiam in ecclesia faciendam ex statuto eiusdem specialiter sint astricti nec domos seu mansionem aliquem hactenus habuerint decanatu appropriatam quam inhabitare possent huic incommodo prospicere et decanatum ipsum in hoc honorare cupientes domos nostras in clauso Sarr quas in officio decanatus constituti inhabitare consuevimus eidem decanatu et decanis qui pro tempore fuerint assignamus concedimus et donamus inperpetuum In cuius rei testimonium presentes literas impressione sigilli nostri fecimus communiri Datum per manum Iohannis de Leycestre canonici Sarr et cancellarii nostri apud Rammesbir v kalendas Novembris anno domini MCCLXX septimo pontificatus nostri anno quarto