Charter Document - 03400362
| Charter Number: | 03400362 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1281 |
| Date type: | Internal, A.D., Calendar, Episcopal |
| Resource Link(s): |
|
Charter:
Robertus miseratione divina Sarisburiensis ecclesie minister humilis dilectis in Cristo filiis Waltero decano et capitulo Sarr salutem gratiam et benedictionem Supplicationem vestram suscepimus continentem quod cum venerabilis pater pie recordationis dominus Egidius quondam Sarr episcopus de fratrum suorum et capituli concensu ad trium capellanorum sustentationem de fructibus ecclesie omnium sanctorum de Cettr sub certa [forma] et certis locis divina celebrantium duxerit providend[um] prout in testamento dicti domini Egidii novimus ac plenius contineri ac bone memorie predecessor noster dominus Walterus de la Wyle in ordinatione vicarie de Cettr provisionem dictorum capellanorum celebrantium pro dicto domino Egidio non ex certa scientia set inmemor contentorum in testamento dicti domini Egidii duxerit immutandam vobis super hoc paterna benignitate et ad dicti domini Egidii ultime voluntatis expletionem dignaremur subvenire Nos factum dicti domini laudabile commendantes et approbantes habita diutius super hoc deliberatione pleniori de virorum discretorum consilio et fratrum nostrorum concensu ordinamus et statuimus quod predicti patris ultima voluntas plene observetur et provisio sua stet et inconcusse custodiatur adicientes quod fructus dicte ecclesie omnium sanctorum de Cettr per custodem et scolares Vallis Scolarium Sarr qui pro tempore fuerint fideliter colligantur et de hiis annuatim cuilibet capellano portio sua prout ordinatum est certis terminis et locis integraliter liberetur Et volumus quinque marcas ad suppletionem obitus dicti domini Egidii in ecclesia Sarr perpetuis temporibus faciendi communeri dicte ecclesie de eisdem fructibus numerari et persolvi Et in huius rei perpetuam memoriam presentibus sigillum nostrum fecimus apponi Datum apud Wodeford xiii kalendas Aprilis anno gratie MCCLXX octogesimo et pontificatus nostri anno septimo