Charter Document - 03400361
| Charter Number: | 03400361 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1275 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus Cristi fidelibus presentes literas visuris vel audituris Robertus miseratione divina Sarresbir ecclesie minister humilis salutem in auctore salutis Ad animum ex debito revocamus quod bone memorie magister Robertus de Karevile quondam thesaurarius ecclesie nostre Sarr multis beneficiis et honoribus ecclesiam ipsam dum viveret extolli procuravit et ex hoc memoriam suam perpetuis temporibus in ecclesia predicta specialius et celebrius decrevimus haberi recommendatam De consensu igitur venerabilium virorum dilectorum in Cristo filiorum decani et capituli nostri Sarr duodecim marcas de fructibus et proventibus ecclesie de Litleton nostre diocesis que per liberam resignationem dilecti filii Willelmi de Andevere nuper rectoris eiusdem que vacat ad presens et in qua iidem decanus et capitulum ius patronatus optinere noscuntur de expresso consensu eorundem ad perpetuos usus ministrorum ipsius ecclesie secundum formam inferius scriptam distribuendos assignamus et vicariam perpetuam in subscripta forma ordinamus in eadem statuentes quod vicarii qui pro tempore instituendi fuerint in eadem omnes fructus proventus et obventiones ad ipsam ecclesiam qualitercumque pertinentes quocumque nomine censeantur plene percipiant domos et terras cum suis pertinenciis ad eandem ecclesiam pertinentes integre habeant et onera omnia sustineant ordinaria debita et consueta solventes annis singulis communario Sarr dictas duodecim marcas de fructibus ipsis in festo Pasce et in festo Nativitatis beati Iohannis Baptiste pro equalibus porcionibus De quibus duodecim marcis ad excitandam predictorum ministrorum devocionem in prefati quondam thesaurarii memoriam sic duximus ordinandum quod qui presens fuerit in exsequiis dicti thesaurarii die anniversarii sui si fuerit de quatuor personis viginti denarios si canonicus duodecim si vicarius sex sacrista tres altarista duos et chorista unum denarium per manum dicti communarii percipiant inperpetuum Et de residuo distribuantur quatuor marce inter vicarios presbiteros quorum unus vicissim singulis diebus inperpetuum pro anima dicti thesaurarii in ecclesia ipsa Sarr missam celebrabit pro rata dividende Onus autem extraordinarium cum emerserit vicarius et communarius pro rata sustinebunt Et quicquid residuum fuerit distribuatur inter pauperes die anniversarii supradicta Collationem autem ipsius vicarie quociens eam vacare contigerit nobis et successoribus nostris Sarr episcopis sede plena vacante vero sede capitulo Sarr de predictorum patronorum expresso consensu reservamus Et eandem vicariam ad presens vacantem dilecto filio Nicholao de Melkesham diacono clerico et familiari nostro conferimus intuitu caritatis In quorum omnium fidem et testimonium sigillum nostrum una cum sigillo capituli nostri supradicti presentibus est appensum Dat Sarr sextodecimo kalend Maii anno gratie millesimo ducentesimo septuagesimo quinto pontificatus nostri anno primo