Charter Document - 03400353
| Charter Number: | 03400353 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1279 |
| Date type: | Internal, A.D., Episcopal |
| Resource Link(s): |
|
Charter:
Robertus miseracione divina Saresbir episcopus religiosis ac dilectis in Cristo filiis et filiabus priori fratribus et sororibus de Maydenebradelegh salutem gratiam et benedictionem Exhibita nobis vestra peticio continebat ut cum unum presbiterum secularem in ecclesia vestra perpetuis temporibus pro anima fratris Iohannis de Hechtredebiri quondam prioris domus vestre et pro animabus omnium fratrum et sororum predicte domus ac fundatorum et benefactorum eiusdem domus et omnium fidelium defunctorum singulis diebus in mane ad altare beate Virginis divina celebraturum habere disposueritis providentes et ordinantes quod idem presbiter chorum vestrum cum diacono vestro sequatur ut honestius deo deserviatur in eodem unam liberacionem plenarium in esculentis et posculentis singulis diebus sicut unus frater laicus predicte domus vestre et viginti solidos sterlingorum annis singulis ad festum Pasche et ad festum sancti Michaelis pro equalibus porcionibus de bonis domus vestre supradicte percepturum ad hec nostrum preberemus assensum Super hiis autem cum decano et capitulo nostro deliberantes et diligencius conferentes dispositionem [et] provisionem vestram in premissis in domino commendamus et de predictorum decani et capituli quorum coher[cioni] vos in omnibus supradictis sponte submisistis expresso consensu auctoritate pontificali confirmamus de vestro nihilominus expresso consensu statuentes quod si prior qui pro tempore fuerit et conventus predicto presbitero cedente vel decedente presbiterum ydoneum infra mensem loco sui non prefecerint episcopus Sarr qui pro tempore fuerit sede plena et decanus vel subdecanus Sarr sede vacante ydoneum sibi preficiant successorem In quorum omnium fidem et testimonium nostrum et predictorum decani et capituli sigilla una cum sigillo vestro communi presentibus scriptis in modum cyrographi confectis quarum una pars in thesauraria nostra Sarr et alia pars in thesauraria vestra de Maydenebradelegh ad perpetuam rei memoriam remanebit alternatim sunt appensa Datum apud Remmesbur sexto idus Aprilis anno domini MCCLXX nono anno pontificatus nostri quinto