Charter Document - 03400342
| Charter Number: | 03400342 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1283 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino suo E dei gratia regi Anglie illustri domino Hybern[ie] et duci Aquit[anie] R miseratione divina Sarr ecclesie minister humilis salutem et prosperos semper ac felices ad vota successus Quia Henricus Aufrey de Upaven auctoritate nostra ordinaria pro eiusdem offensa manifesta excommunicationis sentencia innodatus in eadem sentencia per quadraginta dies et amplius claves ecclesie animo contempnens indurato permansit incorrigibilis cum ecclesia non habeat ultra quid faciat serenitatem vestram regiam rogamus quatinus ad reprimendam eiusdem rebellis maliciam secularis vestre potestatis brachium secundum regni vestri consuetudinem contra eundem exercere velitis ut quem dei timor a malo non revocat severitas saltem coherceat discipline temporalis Valeat et bene prosperetur excellencia vestra regia semper Dat apud Remmesbur viii kal Novembris anno gratie MCCLXXX tercio