Charter Document - 03400341
| Charter Number: | 03400341 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1283 |
| Date type: | Internal, A.D. |
| Resource Link(s): |
|
Charter:
Magnifico principi et domino reverendo domino E dei gratia regi Angl[ie] illustri domino Hybern[ie] et duci Aquit[anie] R permissione divina Sarr ecclesie minister humilis salutem et semper prosperos ac felices ad vota successus Quia Agatha uxor Symonis Protfot de Waddon nostre dyocesis auctoritate ordinaria pro eiusdem offensa manifesta maioris excommunicationis sententia innodata in eadem sententia per quadraginta dies et amplius claves ecclesie animo contempnens indurato permansit incorrigibilis cum ecclesia non habeat ultra quid faciat serenitatem vestram regiam rogamus quatinus ad reprimendam eiusdem rebellis maliciam secularis vestre potestatis beachium secundum regni vestri consuetudinem contra ipsam exercere velitis ut quam dei timor a malo non revocat severitas saltem coherceat discipline temporalis Valeat et bene prosperetur excellencia vestra regia semper Dat apud Remmesbir vii id Iulii anno gratie MCCLXXX tercio