Charter Document - 03400339
| Charter Number: | 03400339 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1283 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino E dei gratia illustri regi Angl[ie] domino Hybern[ie] et duci Aquit[anie] R permissione divina Sarr ecclesie minister humilis salutem et prosperos semper ac felices ad vota successus Quia Agnes dicta Goldfinch de Wlfhale mulier auctoritate nostra ordinaria pro eiusdem offensa manifesta maioris excommunicacionis sentencia innodata in eadem sententia per xl dies et amplius claves ecclesie animo contempnens indurato permansit incorrigibilis cum ecclesia non habeat ultra quid faciat serenitatem vestram regiam rogamus quatinus ad reprimendam eiusdem rebellis maliciam secularis vestre potestatis brachium secundum regni vestri consuetudinem contra ipsam excercere velitis ut quam dei timor a malo non revocat severitas saltem coherceat discipline temporalis Valeat et bene prosperetur excellencia vestra semper Dat apud Remnesbir kal Februarii anno gratie MCCLXXX secundo