Charter Document - 03400337
| Charter Number: | 03400337 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1283 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino Edwardo dei gratia regi Anglie illustri domino Hybern[ie] et duci Aquit[anie] Robertus permissione divina Sarr ecclesie minister humilis salutem et semper prosperos ac felices ad vota successus Quia Willelmus de Lodres presbiter Robertus Braun de Sturmenistr Thomas Scleyt de Corf et Robertus molendinarius de Lychet parochiani nostri auctoritate nostra ordinaria pro eorundem offensa manifesta maioris excommunicationis sententia innodati in eadem sententia per quadraginta dies et amplius claves ecclesie contempnendo permanserunt incorrigibiles cum ecclesia non habeat ultra quid faciat serenitatem vestram regiam rogamus quatinus ad reprimendam eorundem rebellium maliciam secularis vestre potestatis brachium contra ipsos exercere velitis secundum regni vestri consuetudinem ut quos dei timor a malo non revocat severitas saltem coherceat discipline temporalis Valeat et bene prosperetur excellencia vestra regia semper Datum apud Remmesbur xviii kalendas Februarii anno gratie MCCLXXX secundo