Charter Document - 03400334
| Charter Number: | 03400334 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1282 |
| Date type: | Internal, A.D. |
| Resource Link(s): |
|
Charter:
Magnifico principi et domino excellenti domino suo E dei gratia illustri regi Angl[ie] domino Hybern[ie] et duci Aquit[anie] Robertus permissione divina Sarr episcopus salutem et de hostibus reportare triumphum cum incremento gaudii et honoris Noverit excellencia vestra quod Iohannes de Bere presbiter Egidius de Wymburn clericus Reginaldus Sewar Ricardus Pempe Iohannes le Warener Michael de Mumotori et Hugo le Hert laici nostre diocesis pro ipsorum offensa manifesta auctoritate nostra ordinaria publice et sollempniter excommunicati in sententia excommunicationis huiusmodi per xl dies et amplius animo permanserunt indurato claves ecclesie superba cervice non sine gravi scandalo periculose contempnendo Quo circa serennitatem vestram regiam attencius exorandam duximus per presentes quatinus ad reprimendam eorundem rebellium insolenciam regie potestatis vestre brachium extendentes ipsos excommunicatos secundum regni vestri consuetudinem per corpora sua si placet iusticiari precipiatis ut quos dei timor a malo non revocat pena saltem coherceat discipline temporalis Valeat et bene prosperetur honor et excellencia vestra semper in domino Dat apud Remmesbir vii die mensis Augusti anno domini MCCLXX octuagesimo secundo