Charter Document - 03400330
| Charter Number: | 03400330 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino Edwardo dei gratia illustri regi Angl[ie] domino Ybern[ie] et duci Aquit[anie] Robertus permissione divina Sarr ecclesie minister humilis salutem et prosperos semper ac felices ad vota successus Quia Willelmus Fullo et Ricardus Trowe exsecutores testimonii quondam Iohannis de Baddesle auctoritate ordinaria pro eorundem offensa manifesta maioris excommunicacionis sententia innodati in eadem sententia per xl dies et amplius claves ecclesie animo contempnentes indurato permanserunt incorrigibiles cum ecclesia non habeat ultra quid faciat serenitatem vestram regiam rogamus quatinus ad reprimendam eorundem rebellium maliciam secularis vestre potestatis brachium secundum regni vestri consuetudinem contra ipsos exercere velitis ut quos dei timor a malo non revocat severitas saltem coherceat discipline temporalis Valeat et bene prosperetur excellencia vestra semper in domino Datum apud Wudeford iii nonas Novembris anno gratie MCCLXXX primo