Charter Document - 03400328
| Charter Number: | 03400328 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino E dei gratia regi Angl[ie] domino Hybern[ie] et duci Aquit[anie] R permissione divina Sarr ecclesie minister humilis salutem et prosperos semper ac felices ad vota successus Quia Thomas Batyn et Ricardus Brich laici de Bradeford nostre dyocesis auctoritate ordinaria pro eorundem offensa manifesta maioris excommunicationis sententia innodati in eadem sententia per quadraginta dies et amplius claves ecclesie animo contempnentes indurato permanserunt incorrigibiles cum ecclesia non habeat ultra quid faciat serenitatem vestram regiam rogamus quatinus ad reprimendam eorundem rebellium maliciam secularis vestre potestatis brachium contra ipsos secundum regni vestri consuetudinem exercere velitis ut quos dei timor a malo non revocat severitas saltem coherceat discipline temporalis Valeat et bene prosperetur excellencia vestra regia semper Dat apud Wodeford x kal Novembris anno gratie MCCLXXX primo