Charter Document - 03400327
| Charter Number: | 03400327 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino E dei gratia regi Angl[ie] domino Hybern[ie] et duci Aquit[anie] Robertus permissione divina Sarr ecclesie minister humilis salutem et prosperos semper ac felices ad vota successus Quia Rogerus Turbervile de Melleburn et Iohannes dictus Tanur de Neuton auctoritate ordinaria pro eorundem offensa manifesta maioris excommunicationis sententia innodati in eadem sententia per quadraginta dies et amplius claves ecclesie animo contempnentes indurato permanserunt incorrigibiles cum ecclesia non habeat ultra quid faciat serenitatem vestram regiam rogamus quatinus ad reprimendam eorundem rebellium maliciam secularis vestre potestatis brachium secundum regni vestri consuetudinem contra ipsos excercere velitis ut quos dei timor a malo non revocat severitas saltem coherceat discipline temporalis Valeat et bene prosperetur excellencia vestra regia per tempora diuturna Dat apud Wodeford v non Octobris anno gratie MCCLXXX primo