Charter Document - 03400323
| Charter Number: | 03400323 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino Edwardo dei gratia regi [Anglie domino Hyber]nie et duci Aquit[anie] Robertus permissione divina Sarr ecclesie minister humilis salutem et semper prosperos ac felices ad vota [successus] Quia Ricardus Predicator et Iohannes le Warnir laici auctoritate ordinaria pro offensa sua manifesta maioris excommunicationis sententia innodati in eadem sententia per quadraginta dies et amplius claves ecclesie animo contempnentes indurato permanserunt incorrigibiles serenitatem vestram regiam rogamus quatinus ad reprimendam eorundem rebellium maliciam secularis vestre potestatis brachium secundum regni vestri consuetudinem contra ipsos exercere velitis ut quos dei timor a malo non revocat severitas saltem coherceat discipline temporalis Valeat [et bene pro]speretur excellencia vestra regia semper Datum apud Wodeford kalendas Aprilis anno gratie MCCLXXX primo