Charter Document - 03400318
| Charter Number: | 03400318 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1280 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino E dei gratia illustri regi Angl[ie] domino Hybern[ie] et duci Aquit[anie] Robertus miseracione divina Sarr ecclesie minister humilis salutem et prosperos semper ac felices ad vota successus Quia quidam malefactores scilicet Ricardus de Basingestok clericus et Willelmus dictus Bussel laicus de Churiel auctoritate ordinaria pro eorundem offensa et multiplicata contumacia maioris excommunicationis sententia innodati in eadem sententia per quadraginta dies et amplius claves ecclesie animo contempnentes indurato permanserunt incorrigibiles cum ecclesia non habeat ultra quid faciat serenitatem vestram regiam rogamus quatinus ad reprimendam eorundem rebellium maliciam secularis vestre potestatis brachium secundum regni vestri consuetudinem contra ipsos excercere velitis ut quos dei timor a malo non revocat severitas saltem coherceat discipline temporalis Valeat et bene prosperetur excellencia vestra regia semper Dat apud Remesbir xii kal Marcii anno gratie MCCLXX nono