Charter Document - 03400317
| Charter Number: | 03400317 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino Edwardo dei gratia illustri regi Angl[ie] domino Hybern[ie] et duci Aquitan[ie] Robertus miseracione divina Sarr ecclesie minister humilis salutem et prosperos semper ac felices ad vota successus Ad requisicionem venerabilis patris fratris Iohannis dei gratia Dublen electi et magistri Ardicionis collectorum decime terre sancte in regno Angl[ie] a sede apostolica deputatorum qui per suas patentes literas nobis significarunt quod Hervicus de Fogheleston quia negocium decime terre predicte temere impedivit et propter contumaciam manifestam ipsius ipsorum auctoritate sentencia maioris excommunicacionis sollempniter innodatus in eadem per quadraginta dies et amplius animo permansit indurato celsitudini regie supplicamus cum instancia reverenter quatinus eundem excommunicatum qui claves ecclesie taliter contempnit secundum regni vestri consuetudinem coherceri precipiatis potencia brachii secularis Valeat et bene prosperetur excellencia vestra regia semper Datum apud Sunnigg xvii kalendas Augusti anno gratie MCCLXX septuagesimo nono