Charter Document - 03400308
| Charter Number: | 03400308 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1278 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino Edwardo dei gratia illustri regi Anglie domino Hybern[ie] et duci Aquit[anie] Robertus miseracione divina Sarr ecclesie minister humilis salutem et semper prosperos ac felices ad vota successus Quia Ricardus Eunok auctoritate nostra ordinaria pro offensa sua manifesta maioris excommunicationis sententia innodatus in eadem sententia per quadraginta dies et amplius claves ecclesie animo contempnens indurato permansit incorrigibilis cum ecclesia non habeat ultra quid faciat serenitatem vestram regiam rogamus et hortamur in domino quatinus ad reprimendam eiusdem rebellis malitiam secularis vestre potestatis brachium secundum regni vestri consuetudinem exercere velitis contra ipsum ut quem dei timor a malo non revocat severitas saltem coherceat discipline temporalis Valeat et bene prosperetur excellencia vestra regia semper in domino Datum apud Wodeford vii kalendas Maii anno gratie MCCLXX octavo