Charter Document - 03400306
| Charter Number: | 03400306 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Magnifico principi et domino reverendo domino Edwardo dei gratia illustri regi Angl[ie] domino Hybern[ie] et duci Aquitannie Robertus permissione divina Sarr ecclesie minister humilis salutem et semper prosperos ac felices ad vota successus Cum Willelmus le Fulur et Ricardus de Trewe ob contumaciam suam et offensam manifestam extiterint excommunicati et iam per quadraginta dies et amplius in huiusmodi excommunicationis sententia pertinaciter claves ecclesie animo contempnentes indurato permanserint incorrigibiles cum ecclesia non habeat ultra quid faciat serenitatem vestram regiam rogamus quatinus ad reprimendam eorundem rebellium malitiam secularis vestre potestatis brachium secundum regni vestri consuetudinem contra ipsos exercere velitis ut quos dei timor a malo non revocat severitas saltem coherceat discipline temporalis Valeat et bene prosperetur excellencia vestra semper in domino Datum apud Sunningg vi idus Augusti anno gratie MCCLXX septimo