Charter Document - 03400305
| Charter Number: | 03400305 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1277 |
| Date type: | Internal, A.D. |
| Resource Link(s): |
|
Charter:
Magnifico principi et domino reverendo domino E dei gratia illustri regi Angl[ie] domino Hybern[ie] et duci Aquitannie R miseratione divina Sarr ecclesie minister humilis salutem et prosperos semper et felices ad vota successus Quia quidam Thomas molendinarius de Chelree per officialem archidiaconi Berkes commissarium nostrum auctoritate ordinaria pro eiusdem multiplicata contumacia pariter et offensa manifesta maioris excommunicationis sententia innodatus in eadem sententia per quadraginta dies et amplius claves ecclesie animo contempnens indurato permanserit incorrigibilis cum ecclesia non habeat ultra quid faciat serenitatem vestram regiam rogamus quatinus ad reprimendam eiusdem rebellis maliciam secularis vestre potestatis brachium secundum regni vestri consuetudinem contra ipsum excercere velitis ut quem dei timor a malo non revocat severitas saltem coherceat discipline temporalis Valeat et bene prosperetur excellencia vestra semper Dat apud Sunningg vi idus Iunii anno gratie MCC septuagesimo septimo