Charter Document - 03400303
| Charter Number: | 03400303 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1276 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino suo reverendo domino E dei gratia illustri regi Angl[ie] domino Hybern[ie] et duci Aquit[anie] R miseracione divina Sarr ecclesie minister salutem et prosperos semper ad vota successus Noverit excellencia vestra quod Adam de Wamberg clericus nostre diocesis per officialem nostrum auctoritate nostra ordinaria pro ipsius contumacia pariter et offensa maioris excommunicationis sententia sollempniter innodatus in sentencia huiusmodi nedum per quadraginta dies sed iam fere anno elapso incorigibilis animo permansit indurato in anime sue periculum et scandalum plurimorum Cum igitur ecclesia non habeat ultra quid faciat magnificentiam vestram rogamus et requirimus attente quatinus ad ipsius insolenciam reprimendam secundum regni vestri consuetudinem contra eundem excommunicatum exequi velitis quod incumbit ut quem dei timor a malo non revocat severitas saltem coherceat discipline temporalis Valeat et bene prosperetur excellencia vestra semper in domino Dat apud Wodeford idibus Ianuarii anno domini MCCLXX quinto