Charter Document - 03400302

Serenissimo domino suo domino Edwardo dei gratia illustri regi Angl[ie] domino Hybern[ie] et duci Aquitann[ie] Robertus miseracione divina Sarr ecclesie minister salutem et prosperos semper ac felices ad vota successus Per vestros regios apices nobis mandastis quod Galfridus de Wermewell et Henricus Schirard quos ad denunciacionem nostram tanquam excommunicatos et clavum ecclesie contemptores per vic[ecomites] vestros London per corpora sua iusticiari precepistis sub idonea caucione a prisona predicta deliberari mandaremus alioquin vos quod vestrum esset in hac parte ad deliberacionem ipsorum exequere minii Ceterum cum predicta excommunicacionis sentencia non per nos nec nostra auctoritate ordinaria set per de Sancto Albano et Sancti Augustini Cant monasteriorum abbates conservatores privilegiorum prioris et fratrum Hospital[is] Irl[osolim]itani a sede apostolica deputatos auctoritate apostolica lata fuit ad quorum denunciacionem premissa vestre rescripsimus magestati sicut tenor literarum nostrarum super hoc directarum declarat aperte non ad nos qui delegatorum tanquam maiorum in hac parte sentenciam relaxare non possumus set ad eosdem pocius delegatos huiusmodi pertinet recepcio caucionis quibus si placet super hoc scribere poterit regia celsitudo et nos si placet excusatos habere velitis qui iure prohibente exequi non possumus quod mandatur Valeat et bene prosperetur excellencia vestra regia semper in domino Data London x kalendas Novembris anno gratie MCCLXX quinto