Charter Document - 03400294
| Charter Number: | 03400294 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1274 |
| Date type: | Internal, A.D., Feast |
| Resource Link(s): |
|
Charter:
Magnifico principi ac domino suo reverendo domino Edwardo dei gratia regi Angl[ie] illustri domino Hybern[ie] et duci Aquit[anie] Robertus eiusdem patiencia Sarr episcopus salutem in eo per quem reges regnant et principes dominantur Quia Robertus de Bingham laicus pro ipsius contumacia excommunicationis sentencia publice innodatus claves ecclesie dampnabiliter contempnendo in sententia huiusmodi per xl dies et amplius incorrigibilis animo permansit indurato excellencie vestre supplico cum instancia reverenter quatinus cum ecclesia contra excommunicatos huiusmodi non habere ultro quid faciat ne ovis morbida totum gregem inficiendo contaminet ad ipsius insolenciam reprimendam quod vestrum est secundum regni vestri consuetudinem exsequi velitis ut quem dei timor a malo non revocat severitas saltem coherceat discipline temporalis Datum Sarr in crastino sancte Katerine virginis anno domini MCCLXX quarto