Charter Document - 03400289
| Charter Number: | 03400289 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1273 |
| Date type: | Internal, A.D., Calendar |
| Resource Link(s): |
|
Charter:
Domino serenissimo domino Edwardi dei gratia regi Anglie domino Hybern[ie] duci Aquitann[ie] Robertus divina patientia electus Sarr salutem et semper prosperos ad vota successus Magnificentie vestre tenore presentium notum facimus quod Ricardus Chinn iunior de Brideport propter multiplicatam suam contumaciam et offensam sententia maioris excommunicationis auctoritate ordinaria sollempniter innodatus per quadraginta dies et amplius perstitit in eadem claves ecclesie pertinaciter contempnendo propter quod ad pedes vestre dominationis provoluti suppliciter exoramus quatinus vestre potentie brachium ad reprimendam eiusdem insolenciam velitis extendere ut quem dei timor a malo non revocat severitas saltem coherceat discipline temporalis Valeat dominacio vestra per tempora diuturna Datum vii kalendas Februarii anno domini MCC septuagesimo secundo