Charter Document - 03400278
| Charter Number: | 03400278 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Gift |
| Date: | 1274 - 1281 |
| Date type: | Assigned |
| Resource Link(s): |
|
Charter:
Sciant presentes et futuri quod nos Robertus de Wychampton permissione divina Sarr episcopus de capituli nostri Sarr unanimi assensu pro nobis et successoribus nostris dedimus concessimus et hac presenti carta confirmavimus Henrico de la Bere camerario nostro pro laudabili et fideli servitio suo totam terram de Estrigge quam Nicholaus de Estrigge quondam tenuit cum domibus boscis pratis pascuis pasturis et omnibus suis pertinentiis et accident[iis] tenenda et habenda de nobis et successoribus nostris sibi et heredibus suis de carne sua legitime procreatis libere quiete bene et in pace iure hereditario inperpetuum reddendo inde annuatim nobis et successoribus nostris ipse et heredes suis de carne sua legitime procreati unum denarium in festo sancti Michaelis pro omnibus servitiis exactionibus sectis curie querelis et demandis nobis et successoribus nostris pertinent[ibus] Et si contingat quod predictus Henricus sine herede legitimo de carne sua procreato in fata discedat volumus quod predicta terra cum omnibus suis pertinentiis ad nos vel successores nostros sine aliquo impedimento vel aliqua contradictione plenaria revertatur Et ut hec nostra donatio concessio et carte nostre confirmatio rata et stabilis inperpetuum permaneat hanc presentem cartam sigilli et capituli nostri supradicti impressione fecimus communiri Hiis testibus dominis Hildebrando de London Rogero de Calston militibus Thoma de Mere Waltero de Molendino Henrico le Neweman Ricardo de la Helme Willelmo Suple et multis aliis