Charter Document - 03400277

Universis sancte matris ecclesie filiis presens scriptum visuris vel audituris Robertus permissione divina Sarr episcopus salutem in domino sempiternam Noverit universitas vestra nos de consensu et voluntate decani et capituli nostri Sarr concessisse et presenti scripto confirmasse Michaeli le Bakere [de] Byssepeston et Emme uxori sue duo mesuagia cum curtillagiis in manerio nostro de Byssepeston de quibus mesuagiis unum situm est in villa de Byssepeston in quo mesuagio nunc sunt manentes et aliud mesuagium situm est in Nyweport et duas virgatas terre cum pertinenciis in predicto manerio quas Rogerus Helewys et Iohannes le Irmanger aliquando de nobis tenuerunt in villenagium et septem acras et dimidiam que iacent per particulas in eodem manerio Tenend et habend de nobis et successoribus nostris predictis Michaeli et Emme uxori sue quamdiu vixerint vel alteri eorum qui superstes fuerit libere et pacifice reddendo nobis annuatim et successoribus nostris viginti et sex solidos et octo denarios sterlingorum ad quatuor anni terminos principales equis porcionibus pro omibus serviciis et exaccionibus secularibus que ad nos vel successores nostros pertinere possent salvis nobis et successoribus nostris sectis curiarum nostrarum apud Remmesbur et Byssepeston sicut ali libere tenentes nostri facere debent et solent Et si predictus Michael predictam Emmam uxorem suam supervixerit et aliam uxorem duxerit illa nichil de predictis terris et tenementis habere vel exigere possit set ipso Michaele defuncto omnia tenementa et terre cum omnibus pertinenciis suis ad nos vel successores nostris plenaria revertantur Et si predicta Emma uxor predicti Michaelis ipsum supervixerit non licebit sibi aliquem recipere in virum nisi de consensu nostro ve successorum nostrorum Et si casu contingente aliquem acceperit in virum sine voluntate nostra vel successorum nostrorum quod ex tunc bene licebit nobis vel successoribus nostris omnia prenotata terras et tenementa in manus nostras seysire et ea in pace optinere Nec licebit predictis Michaili et Emme uxori sue predictas terras et tenbementa vel aliquam partem illarum alicui vendere vel aliquo modo tradere set ipsis decedentibus statim predicta tenementa et terre sine aliqua diminucione ad nos vel successores nostros in adeo bono statu vel meliori quo ea receperunt revertantur Et si prefatos Micaelem vel Emmam uxorem eius coniunctim vel separatim qui superstes fuerit in aliquibus premissis contravenire contigerit tenentur vel tenetur nobis vel successoribus nostris in quadraginta libris sterlingorum nomine convencionis solvend[is] ad nostram vel successorum nostrorum voluntatem In cuius rei fidem et testimonium tam nos et predicti decanus et capitulum quam Michael supradictus huic scripto ad modum cyrographi confecto hinc inde sigilla nostra apposuimus Hiis testibus dominis Henrico Sturmy Rogero de Caleston Symone Thorn militibus Ricardo Pyg Radulfo de Hadele Willelmo Waleraund Roberto Loef et aliis Datum apud Remmesbur iiii idus Iulii anno gratie MCCLXXX tercio pontificatus nostri anno nono