Charter Document - 03400276
| Charter Number: | 03400276 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1280 |
| Date type: | Internal, A.D., Episcopal |
| Resource Link(s): |
|
Charter:
Universis Cristi fidelibus ad quos presens carta pervenerit Robertus miseratione divina Sarr episcopus salutem in domino Noverit universitas vestra quod nos de assensu et voluntate venerabilium virorum dilectorum in Cristo filiorum decani et capituli nostri Sarr manumisimus et libertati donavimus Robertum filium Walteri de Axe nativi nostri in manerio nostro de Cerdestok volentes et concedentes expresse quod idem Robertus ex nunc liberum statum habeat et liber sit cum omnibus catallis suis et sequelis habitis et habendis ita quod nos vel successores nostri de cetero nichil iuris vel clamii in corpore predicti Roberti vel catallis vel sequelis suis vendicare possimus vel habere salvis nobis et ecclesie nostre Sarr et successoribus nostris debita reverentia et honore que patronis debentur ita tamen quod idem Robertus occasione libertatis seu manumissionis huius in terra servili quam Walterus de Axe pater ipsius Roberti tenet in manerio nostro de Cerdestok hereditatem vel ius succedendi quoquomodo vendicare non possit set eodem Waltero patre suo defuncto episcopus qui pro tempore fuerit de toto tenemento ipso sicut et de aliis terris servilibus secundum consuetudinem manerii prout voluerit ordinet et disponat In quorum omnium fidem et testimonium presentem cartam predicto Roberto concessimus nostri et capituli nostri Sarr sigillorum inpressionibus communitam Datum Sarr ii idus Ianuarii anno gratie MCCLXX nono pontificatus nostri anno sexto