Charter Document - 03400269

[Universis] sancte matris ecclesie filiis presentes litteras inspecturis Walterus dei gratia Saresbirien[sis] episcopus salutem in domino sempiternam Cum inter dominum Simonem rectorem parochialis ecclesie sancti Leonardi de Waling ford actorem ex parte una et dominum Radulfum magistrum hospitalis sancti Iohannis eiusdem ville et fratres eiusdem loci reos ex altera super decimis oblacionibus sepultur[is] cantar[iis] et rebus aliis in diversis auditoriis exorta fuisset materia questionis tandem dicte partes omni liti et questioni [prius] mote renunciantes super predictis decimis oblacionibus sepultur[is] cantariis et aliis omnibus spontanei pure et absolute nostre ordinacioni se submiserunt Nos vero habito tractatu diligenti super premissis deum habentes pre oculis ordinamus in forma infra subscripta Videlicet quod dictus magister fratres et sorores in dicto hospitali deo servientes cantariam habeant propriam et perpetuam et sepulturam in proprio cimiterio dicti hospitalis a nobis dedicato et quod confessiones fratrum et sororum et infirmorum infra septa dicti hospitalis existentium et omnium servitorum eiusdem hospitalis a capellano proprio hospitalis eiusdem audiantur et ab eodem capellano iidem percipiant omnia sacramenta et sacramentalia necessaria [et volu]ntaria et quod habeant campanas et cetera omnia que ad liberam capellam debent pertinere ita tamen quod capellanus dicti hospitalis nullo modo admittet parochianos dicte parochialis ecclesie ad audiend[um] divina officia in preiudicium ecclesie supradicte Et ne dicta parochialis ecclesia per hanc ordinacionem nostram enormem [paci]atur lesionem ordinamus et statuimus quod magister et fratres hospitalis predicti ecclesie supradicte decem solid[os] annui redditus in villa de Walingford conferant secundum quod inter dictum rectorem [et dictos] magistrum et fratres convenit locis subscriptis annuatim perpetuis temporibus percipiend[os] Videlicet de tenemento Willelmi de Kutinden in parochia sancti Leonardi sex denar[ios] de tenemento Luce le Munier in eadem parochia duodecim denar[ios] de tenemento angulari Willelmi filii [A]lani in parochia sancti L[ucian]i duos sol[idos] et sex denar[ios] unde solvet annuatim domino feodi decem et octo denar[ios] ad duos anni terminos et Petro [vi]nitario et heredibus suis unum denar[ium] ad festum sancti Michaelis de tenemento quod fuit Iohannis Pudel in eadem parochia [sex]decim denar[ios] unde solvet heredibus Hugonis Bu[lge] unum denarium ad festum sancti Iohannis Baptiste de tenemento Ricardi Marioth in parochia sancte Marie maioris tres sol[idos] de tenemento quod fuit aliquo tempore Ioseph mer[cato]ris in parochia sancti [Petri] duos sol[idos] unde solvet domino feodi decem denar[ios] et Alexandro Dubleth et heredibus [suis unum denarium] de tenemento Walteri filii Walteri [fabri] in parochia sancti Iohannis [octo] denar[ios] de tenemento magistri Petri iuxta cimiterium sancti Michaelis ex parte australi tres [denarios de tenemento Ricardi de Brith] walton iuxta tenementum Iohannis Hin[e sex denarios] et de tenemento Simonis Molle in parochia sancti [Mic]haelis quod est de feodo [domini episcopi Sarr decem denarios] Habend et tenend dicto rectori et successoribus [suis] rectoribus dicte parochialis ecclesie libere quiete et integre inperpetuum in liberam [et perpetuam elemosinam secundum tenorem carte] dictorum magistri et fratrum [dicto] rectori et suis successoribus [facte] faciendo inde annuatim servitium prenominatum [pro omnibus secularibus demandis Ordinamus eciam quod rec]tor supradictus et successores sui sine contradictionis obstaculo integre percipiant omnes decimas garbarum et [feni tantum de solo hospitalis provenientes predictis magistro et fratribus ac] eorum successoribus inperpetuum [ab omni aliarum] decimarum prestacione omnino quietis existentibus [infra limites parochie supradicte In huius rei testimonium] presenti scripto in modum cyrographi confecto sigillum nostrum una cum sigill[is] partium predictarum fecimus apponi [Data Walyngford duodecimo kelandas Marcii pontificatus] nostri anno primo