Charter Document - 03400263
| Charter Number: | 03400263 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1267 |
| Date type: | Internal, A.D. |
| Resource Link(s): |
|
Charter:
Universis Cristi fidelibus presentes literas visuris vel audituris Walterus miseratione divina Sarr episcopus salutem in domino Noverit universitas vestra quod cum discretus vir dilectus in Cristo filius dominus Iohannes de Holteby custos domus scolarium de Valle Sarr ratione predicte custodie dilectum filium dominum Willelmum de Wermewelle presbiterum ad vicariam ecclesie de Milleboume et capelle de Develissh per nos taxandam nobis presentaverit nos de consilio virorum prudentium nobis assidentium ipsam vicariam in portionibus subscriptis constituimus ordinamus et taxamus perpetuis temporibus duraturam nisi ex iusta et necessaria causa aliter ipsam infra annum decreverimus ordinandam Volumus igitur ordinamus et statuimus quod ipse Willelmus presbiter nobis presentatus quem ad ipsam vicariam admittimus et ipsum perpetuum vicarium in predictis ecclesia et capella instituimus et omnes vicarii sibi successuri habeant inperpetuum illam domum in qua Walterus presbiter habitat cum toto orto ex parte orientali ipsius ecclesie de Milleboume et aream competentem in Develissh de feudo ecclesie in qua honesta fieri posset habitatio ad opus presbiteri ibidem deo servituri item omnes oblationes obventiones et proventus altarium ipsarum ecclesie et capelle quocumque nomine censeantur item omnes decimas agnorum vitulorum pullorum suculorum aucarum columbarum et ovorum item lane lactis pomorum canabi feni ortorum mellis et molendinorum et omnes oblationes obventiones proventus et decimas minutas ad ecclesiam et capellam supradictas pertinentes quocumque nomine censeantur item decimas tam maiores quam minores de dominico domine Matild[is] de Deverel proventuras et quicquid ipsius ecclesie rectores percipere consueverunt vel percipere debuerunt de dominico quod aliquando fuerat domini Henrici de Milleboume Et sustinebunt ipsius ecclesie vicarii omnia onera ordinaria ad dictas ecclesiam et capellam pertinentia tam in libris quam in ornamentis ecclesiasticis item synodalium et cathedraticum et procurationes archidiaconi et solvent v solidos annuos ab antiquo debitos canonic[is] Sarr in ecclesia de Bere oneribus extraordinariis et inopinatis inter rectores et vicar[ios] pro rat[a] dividendis Datum Poterne quarto idus Maii anno gratie millesimo CCLX septimo