Charter Document - 03400258
| Charter Number: | 03400258 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1267 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus presentes literas visuris vel audituris Walterus permissione divina Sarr ecclesie minister humilis salutem in domino Noverit universitas vestra nos inspexisse literas bone memorie Egidii predecessoris nostri non cancellatas non abolitas in nulla parte sui viciatas sigillo suo signatas inter cetera continentes quod idem episcopus vacantes vicarias prebendarum Sarr et ordinationes ipsarum tam in taxationibus faciendis quam in personis presentandis admittendis et instituendis simul et correctiones vicariorum prebendarum necnon et vicariorum qui in ecclesia cathedrali Sarr deserviunt plene et totaliter ad decanum et capitulum Sarr recognovit pertinere absque omni iurisdictione et potestate episcoporum Sarr pro tempore existentium salvis sibi et episcopis in dicta ecclesia Sarr sibi successuris presentationibus vicariorum per canonicos prebendarum faciendis in episcoporum dumtaxat maneriis que propriis nominibus inferius fecimus apertius nominari videlicet Sunningg Remmesbir Bissopeston Caning Poterne Lavynton Cerdestok Wyvelesford et Wodeford Admissiones igitur vicariorum et institutiones in ecclesiis prebendalibus in predictis octo dumtaxat maneriis existentibus nobis nostrisque successoribus de [] decani et capituli nostri Sarr expressa voluntate reservantes omnium vicariorum prebendarum et ecclesie nostre cathedralis Sarr sicut predictum est ordinationes taxationes personarum ad easdem presentendarum admissiones et institutiones ad [] decanum et capitulum et tam in ipsis ecclesiis prebenda ilibus in predictis maneriis nostris existentibus quam in aliis correctiones et visitationes ad locorum canonicos et ad decanum et capitulum sicut secundum statuta beati Osmundi in predicta ecclesia nostra Sarr hactenus est optentum declaramus pertinere nisi per evidentem negligentiam vel per appellationis beneficium ad nos vel successores nostros fuerint devolute In cuius rei testimonium presenti scripto sigillum nostrum duximus apponendum Dat Sarr vii kalendas Maii pontificatus nostri anno quarto