Charter Document - 03400253
| Charter Number: | 03400253 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1263 |
| Date type: | Internal, Feast, Episcopal |
| Resource Link(s): |
|
Charter:
Universis Cristi fidelibus presens scriptum visuris vel audituris W a dei gratia Sar episcopus salutem et sinceram in domino caritatem Zelantes fortiter et diligentes perseveranter decorem domus domini et honorem ecclesie beate [Marie] virginis Sar cui divina miseratione preficimur quo magis inclaustrum nostre Sar ecclesie competenti cemate in forma et materia decoretur et ipsi ecclesie nostre cathedrali honorabilius coaptetur de consensu domini R decani et capituli nostri [Sar] de nostra propria area concedimus sexdecim pedes in latitudine secundum longitudinem et quadraturam illius quarterii de inclaustro versus austrum quod nostre coniungitur mansioni salvo nobis et successoribus nostris postico ad ingrediend[um] et egrediend[um] de curia nostra versus ecclesiam per medium claustri In huius rei fidem sigillum nostrum una cum sigillo capituli nostri apponi fecimus huic scripto Hiis testibus dominis et magistris R decano R cancellario R thesaurario S archidiacono Berk N archidiacono Sar I subdecano L penitenciario R de Bynham W Scamell R Folioth Thoma de Rypton Dat Wodeford die sanctorum Viti et Modesti pontificatus nostri anno primo