Charter Document - 03400248
| Charter Number: | 03400248 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1270 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis presens scriptum visuris vel audituris Walterus permissione divina Saresbyrien[sis] ecclesie minister humilis eternam in domino salutem Religiosi viri [] abbas et conventus de Tyron zelantes cultum dei ad ampliationem operis pie ducti quod dilectus in Cristo filius dominus Walterus de Merton illustris domini Henrici regis Angl[ie] quondam cancellarius ad perpetuam sustentationem scolarium in scol[is] degentium salubri consilio censuit providendum ius patronatus quod habebant in ecclesia de Stratton nostre dioecesis domui que scolarium de Merton nuncupatur et quam idem dominus Walterus apud Meaudon Wynton dioecesis ad perpetuam sustentationem scolarium in scolis degentium et ministrorum altaris Cristi in dicta domo commorantium pia consideratione fundavit et stabilivit necnon scolaribus et fratribus eiusdem domus contulerunt superne intuitu pietatis desiderium habentes precipuum ut ecclesia eadem dictis scolaribus et fratribus ad relevationem sue paupertatis et augmentum numeri eorundem in ipsorum usus proprios convertatur subsidio cuius tante caritatis opus quod circa eos laudabiliter inceptum es possit domino disponente fecundius adimpleri Nos igitur precipuum et pium dictorum [] abbatis et conventus attendentes affectum necnon fructum pensantes quem per dei misericordiam ex opere tam laudabili in dei ecclesia et cultu Cristiane religionis speramus et credimus perpetuis temporibus profuturum predictam ecclesiam de Stratton de consilio et consensu capituli nostri dictis scolaribus et fratribus ad relevationem sue paupertatis et ampliationem numeri eorundem in qua utilitatem Cristiane religionis evidentem cernimus in nomine sancte et individue Trinitatis ordinamus damus et assignamus eorum usibus propriis una cum omnibus pertinentiis et iuribus suis quandocumque eam vacare contigerit perpetuo possidendam statuentes ut eam auctoritate presentium quam primum vacaverit ingredi libere et absque difficultate valeant et eam cum suis iuribus et pertinentiis pacifice possideant in perpetuum salva rationabili vicaria decem scilicet marcarum secundum verum eius valorem ad quam custos dicte domus vice scolarium et fratrum predictorum ydoneum vicarium a nobis et successoribus nostris sibi nominand[um] infra mensem post nostram nominationem sibi factam quotiens ipsam vicariam vacare contigerit presentabit alioquin nos exinde dictam vicariam ea vice libere conferemus Dictus autem vicarius sive a dicto custode ut predictum est presentatus sive a nobis vel successoribus nostris datus dicte domui et scolaribus et fratribus predictis pro hiis omnibus que ad ipsos pertineant tamquam eorum vicarius fidelitatis sacramentum prestabit Et ad rei huius perpetuam securitatem sigillum nostrum una cum sigillo prefati capituli nostri presenti pagine est appensum salvis etiam in omnibus auctoritate et dignitate Sarr ecclesie nostra et successorum nostrorum Dat in capitulo nostro Sarr sexto kalendas Octobris anno gratie millesimo ducentesimo septuagesimo pontificatus autem nostri anno octavo