Charter Document - 03400246
| Charter Number: | 03400246 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 |
| Date type: | Internal, A.D., Calendar, Episcopal |
| Resource Link(s): |
|
Charter:
Walterus dei gratia Sarr episcopus religiosis viris filiis in Cristo karissimis priori et conventui de Farleya salutem gratiam et benediccionem Advertentes quod ad expensas quas in pios usus effunditis incessanter prioratus vestri non suppetunt facultates quodque super illis facultatibus licet exilibus a pravis hominibus quamsepius estis iniuriose lascesciti pium estimamus et dignum contra pravorum insidias vos in iuribus et possessionibus vestris perpetua securitate munire et huiusmodi Cupiere defectum Ideoque vobis pio compacientes affectu venerabilium virorum dominorum decani et capituli nostri Sarr expresso consensu concurrente ecclesiam de Chyppeham cum suis pertinentiis in qua ius patronatus ex collacione quondam serenissime domine Matillidis regine Anglie estis assecuti quamque possidetis in presenti vobis vestrisque successoribus in usus vestros proprios auctoritate pontificali habendam concedimus perpetuis temporibus et possidendam salva vicariis in ecclesia predicta deo servituris nobis et successoribus nostris per vos presentandis sufficienti de fructibus ipsius ecclesie sustentacione nostra auctoritate ordinanda et salvis in omnibus iure auctoritate et dignitate Saresbur ecclesie nostra et successorum nostrorum In quorum omnium fidem et testimonium nostrum et predictorum decani et capituli sigilla presentibus literis sunt appensa Dat in capitulo Sarr ii kalend Ianuarii anno gratie MCC septuagesimo pontificatus nostri anno octavo