Charter Document - 03400244

Omnibus Cristi fidelibus presentes litteras inspecturis vel audituris Walterus dei gratia Sarr episcopus salutem in domino Cum religiosi viri abbas et conventus Malmesbir nostre dioecesis a nobis humiliter peterent quod nos auctoritate dioecesana decimas quas infra limites quarundam parochiarum nostre dioecesis et pensiones seu prestationes annuas quas ipsi et predecessores eorum ab antiquo percipere consueverunt sibi suoque monasterio confirmaremus bona fide pretendentes quod instrumenta que aliquando super predictis decimis pensionibus seu prestationibus habuerunt quedam vetustate consumpta et quedam per incendium quod [in] monasterio suo casu fortuito contigisse notorium est penitus fuerant destructa exceptis dumtaxat quibusdam sedis apostolice privilegiis que inspeximus in quibus decimas et pensiones seu prestationes huiusmodi expressis locorum nominibus distincte et aperte vidimus contineri nos attendentes predictorum abbatis et conventus devotionem quam erga ecclesiam nostram Sarr a multis retro temporibus gessisse [et] adhuc gerere dinoscuntur eorum iustis petitionibus inclinati super predictis decimis pensionibus seu prestationibus quas in nostra dioecesi a quibusdam ecclesiis et infra limites quarundam parochiarum percipere consueverunt diligentem in forma iuris fieri fecimus inquisitionem per quam dilucide certi orati invenimus ipsos abbatem et conventum ac eorum predecessores nomine monasterii sui de Malmesbur pacifice et inconcusse possedisse ab antiquo et longissima prescriptione legittime prescripsisse decimas et pensiones seu prestationes quas sibi a nobis petebant confirmari Cum igitur nobis legitime constaret predictas decimas et pensiones seu prestationes ad predictos abbatem et conventum et suum monasterium Malmesbur pertinere ac ipsos super hiis munitos esse prescriptione legitima et longissima de decani et capituli nostri Sarr voluntate et consensu decimas ipsas et pensiones seu prestationes predictis abbati et conventui et eorum successoribus ac monasterio suo Malmesbur auctoritate dioecesana confirmamus quas decimas et pensiones seu prestationes annuas presentibus litteris propriis duximus vocabulis exprimendas Videlicet de vicario ecclesie sancti Pauli Malmesbur de annua pensione sex marcas de ecclesia beate Marie eiusdem ville quinque marcas de ecclesia de Minti duas marcas de ecclesia de Brinkewrthe unam marcam de ecclesia de Garsdone decem solidos de ecclesia de Nywenton viii solidos de ecclesia de Peritone quatuor marcas de ecclesia de Bachampton octo solidos et de ecclesia de Compton quatuor solidos Item decimas de dominico Walteri [de] Dunstanvile et Thome le Frankelein in parochia de Culerna decimas villanorum camerarii de Malmesbire in parrochia de Yetton decimas de dominicis Britonum domini Ade de Puryton et Henrici Hoese in parochia de Niwenton decimas de dominico predicti domini Ade in parochia de Periton et decimas Willelmi Frankelein de Brockton In quorum testimonium tam nos quam decanus et capitulum Sarr supradicti presentibus litteris patentibus sigilla nostra apponi fecimus salva in omnibus dioecesana auctoritate nostra et successorum nostrorum ac ecclesie nostre Sarr dignitate ita quod in nullo privilegiis dictorum abbatis et conventus derogetur Datum apud Remmesbur xiiii kalendas Novembris anno domini MCC sexagesimo quinto