Charter Document - 03400242

Universis Cristi fidelibus presentes litteras inspecturis vel audituris Walterus permissione divina Sarr episcopus salutem in domino sempiternam Cum inter Walterum perpetuum vicarium ecclesie beati Pauli Malm actorem ex una parte et magistrum et fratres hospitalis sancti Iohannis Malm reos ex altera orta esset materia questionis coram officiali nostro auctoritate nostra ordinaria cognoscente tandem partes in dicti nostri officialis presentia in dicto hospitali personaliter constitute litium dimisso strepitu bonum pacis affectantes predicti officialis nostri super omnibus de quibus lis erat inter ipsas partes ordinationi iudicio et statuto pure sponte et absolute omnino se submiserunt tam pro se quam pro suis ecclesiis ut ipsa ordinatio realis et perpetua tam inter partes predictas quam inter predictam ecclesiam et hospitale predictum rata et firma permaneat perpetuis temporibus Idem igitur officialis auditis hinc inde petitis et propositis inspectis partium instrumentis et iuribus pensatisque diligenter totius negotii meritis habito super hiis iurisperitorum consilio de utriusque partis voluntate et assensu interveniente etiam consilio dominorum abbatis et conventus Malm dicte ecclesie patronorum super premissis inter partes predictas ordinavit in hunc modum In dei nomine Amen Ego Constantinus de Mildehale canonicus Sarr domini Sarresb episcopi officialis auditis et plene intellectis meritis negotii moti coram me inter Walterun vicarium ecclesie sancti Pauli Malm actorem ex parte una et magistrum et fratres hospitalis sancti Iohannis Malm reos ex altera super quo partes ipse mee ordinationi omnino se submiserunt ordino statuo et diffinio quod locus predicti hospitalis tanquam situs infra limites parochie predicte ecclesie sancti Pauli eidem ecclesie sancti Pauli maneat subiectus in omnibus salvo quod prior fratres et sorores dicti hospitalis habitum et signum portantes divina possint audire et recipere in capella dicti hospitalis et pro suis oblationibus ac minutis decimis suis provenientibus infra septa curie dicti hospitalis solvant quolibet anno eidem ecclesie sancti Pauli et vicario eiusdem ecclesie qui pro tempore fuerit quadraginta denarios quatuor anni terminis videlicet ad festum sancti Michaelis decem denarios ad festum Nativitatis domini decem denarios ad festum Annuntiationis beate Marie decem denarios ad festum sancti Iohannis Baptiste decem denarios et unam dimidiam libram cere in recognitione iuris parochialis ecclesie supradicte in festo omnium sanctorum Familia autem predictorum prioris et fratrum que habitum non portat predicte ecclesie sancti Pauli omni iure parochiali sicut alii seculares de eadem parochia omnino sit subiecta tam in sacramentis et sacramentalibus recipiendis quam in oblationibus et aliis a parrochianis debitis et consuetis solvendis Ad hec presenti ordinatione statuto et diffinitione statuo ordino et diffinio quod predicti prior et fratres vel eorum successores parochianos predicte ecclesie sancti Pauli nullo modo admittant ad sacramenta vel ad sacramentalia nec eorum oblationes decimas requesta vel alia iura ad predictam ecclesiam sancti Pauli pertinentia recipiant nec etiam ipsius ecclesie iura aliquo modo perturbent subtrahant aut diminuant Ad que omnia observanda per hanc ordinationem statuo ordino et diffinio quod singuli priores in dicto hospitali instituendi infra octo dies postquam ad locum predictum pervenerint post suam institutionem iurent super sancta dei evangelia in presentia vicarii dicte ecclesie quod hanc observationem fideliter observabunt Quam ordinationem partes predicte gratanter obacceptantes submiserunt se iurisdictione episcopi Sarr et sui officialis qui pro tempore fuerit tam pro se quam pro suis successoribus quod possint ipsas ad premissorum observationem compellere per censuram ecclesiasticam quandocumque viderint expedire Nos autem relata nobis a predicto officiali ordinatione predicta sub forma prenotata ipsam canonicam reputantes ad partium instantiam confirmamus In quorum testimonium presenti scripto patenti sigillum nostrum apposuimus sigillis predictorum abbatis et conventus Malm ac etiam partium nihilominus huic scripto bipartito alternatim appensis