Charter Document - 03400216
| Charter Number: | 03400216 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Admission, Institution |
| Date: | 1270 |
| Date type: | Internal, A.D., Episcopal |
| Resource Link(s): |
|
Charter:
Omnibus Cristi fidelibus presentem cartam visuris vel audituris Walterus miseratione divina Sarum episcopus salutem in domino Ad presentationem et devotam instantiam religiosorum virorum abbatis et conventus Glastonie Bath et Well dyoecesis admisimus dilectum filium Iohannem Burnel clericum ad perpetuam vicariam ecclesiarum de Domerham et de Mertone nostre dyoecesis per nos taxandam ordinandam constituendam declarandam et ampliandam ipsumque perpetuum vicarium instituimus in eadem et portiones et proventus subsequentes ad ipsam vicariam perpetuis futuris temporibus pertinere debere concurrente consensu predictorum abbatis et conventus ordinamus constituimus et declaramus Videlicet domos et mansum que retro temporibus ad earundem rectorium pertinere consueverant una cum terra prato pastura homagiis reditibus servitiis et aliis appendiciis universis que rectores earundem tenere seu percipere consueverunt nomine rectoria decimas etiam maiores et minores de toto tenemento quondam Willelmi Peverel in earundem parochia consistente [necnon] et omnes minutas decimas quocumque nomine censeantur et altellagium totius parochie dictarum ecclesiarum cum omnibus suis appendiciis [exceptis] decimis tam maioribus quam minoribus de dominico et curia predictorum abbatis et conventus provenientibus quas una cum omnibus decimis garbarum totius parochie superius non notatis ad perpetuos usus predictorum abbatis et conventus pleno iure pertinere debere declaramus salva in omnibus nostra et successorum nostrorum episcoporum Sarr auctoritate et ecclesie nostre Sarum dignitate Sustinebit autem tam dictus vicarius quam omnes qui sibi succedent in eadem vicaria omnia onera ordinaria debita [et] consueta ad predictas ecclesias pertinentia et extraordinaria pro rata cum emerserint Et in omnium premissorum fidem et testimonium presentem cartam impressione sigilli nostri precepimus communiri Datum apud Cerdestoke viii idus Iulii anno gratie MCC septuagesimo pontificatus nostri anno octavo