Charter Document - 03400207
| Charter Number: | 03400207 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1264 |
| Date type: | Internal, Episcopal |
| Resource Link(s): |
|
Charter:
Universis Cristi fidelibus ad quos presens scriptum pervenerit Walterus dei gratia Sar episcopus salutem in domino sempiternam Ad usus pios et divini precipue dilatationem cultus officii dei fidelium devotione collata tali condecet scripturarum munimine firmitatisque glutine roborari quo deo ministrantibus plena paretur tranquillitas et malivolis exinde tollatur occasio malingnandi Cum igitur plerique parochiani ecclesie de Kaning Episcopi libere tenentes nostri de terris suis et bonis ad sustentationem misse beate Virginis in dicta ecclesia perpetuo celebrande caritative contulerint sicut in eorum cartis perspeximus plenius contineri videlicet dominus Willelmus de Glanmorgan unam acram dominus Willelmus de Cotes et Matild[is] uxor sua duas acras Thomas de Horton unam acram et dimidiam Rogerus filius Michaelis tres acras Ricardus Agge dimidiam acram Willelmus de Eston unam acram Willelmus de Dodeford unam acram Robertus de Ringesburn dimidiam acram Thomas vicarius ecclesie de Kaning redditum decem solidorum et octo denariorum Iohannes de Horton redditum duorum solidorum Philippus de Ringesburn duos solidos annui redditus dominus Willelmus de Horton redditum unius quartern frumenti per annum Philippus de Cotes redditum dimidii quartern frumenti per annum Matild[is] de Horton redditum unius quartern frumenti per annum Radulfus de Horton duos bussellos frumenti per annum nos pium eorundem considerantes affectum quo sibi suisque posteris dei filium in matre sua desiderant complacare necnon remedium preparare perhenne dictas terras simul cum predictis redditibus assignatis cantarie predicte sicut collata sunt quantum ad dominum feodi pertinet confirmamus volentes et concedentes pro nobis et successoribus nostris quod collationes premisse rate et inconcusse permaneant infuturum In cuius rei testimonium sigillum nostrum apponi fecimus huic scripto Dat apud Wodeford iii idus Novembris pontificatus nostri anno secundo