Charter Document - 03400204
| Charter Number: | 03400204 |
|---|---|
| Cartulary Title: | Salisbury 1263-1297 Volume 37 |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1267 |
| Date type: | Internal, Calendar, Episcopal |
| Resource Link(s): |
|
Charter:
Universis sancte matris ecclesie filiis presentes literas visuris vel audituris Walterus miseratione divina Sar episcopus salutem in domino sempiternam Presentavit nobis dilectus filius Stephanus de la Wile rector ecclesie de Bastelden dilectum filium dominum Ricardum de Adestok presbiterum ad vicariam ipsius ecclesie de Bastelden per nos taxandam vacantem et ad suam presentationem spectantem prout in nostra diocesi publicum est et notorium ad cuius presentationem predictum presbiterum ad ipsam vicariam admisimus et in eadem perpetuum vicarium instituimus et de omnium quorum intererat expresso consensu ipsam taxavimus in hunc modum In dei nomine Amen Ordinamus statuimus et diffinimus quod predictus Ricardus vicarius et omnes vicarii in predicta ecclesia de Bastelden sibi successuri habeant et percipiant perpetuis temporibus mansionem ad predictam ecclesiam de Bastelden pertinentem in qua ipsius ecclesie presbiteri in eadem villa de Bastelden consueverant habitare et omnes oblationes et proventus altarium et integraliter decimam lactis et lane et omnes minutas decimas cum curtillagiis tam de Bastelden quam de Aysshamstede proventuras quocumque nomine censeantur excepta dumtaxat decima feni item de Aysshamstede totam terram ad dictam capellam pertinentem cum suis iuribus et pertinentiis universis exceptis dumtaxat decimis garbarum omnium que de curtillagiis non proveniunt ipsas enim declaramus ad rectorem debere perpetuis temporibus pertinere Solvent autem idem vicarius et omnes vicarii sibi successuri procurationem archidiaconi tam pro ecclesia de Bastelden quam pro capella de Aysshamstede item pensionem si que patronis debeatur de dictis ecclesia et capella et omnia onera ordinaria sustinebunt extraordinariis cum emerserint inter ipsos et rectorem pro rata dividendis Solus vero vicarius honestos presbiteros et clericos in dictis ecclesia et capella necessarios inveniet et exhibebit suis sumptibus et periculo sicut decet servituros Et in omnium predictorum testimonium sigillum nostrum presentibus est appensum Dat apud la Wile kalend Septembris pontificatus nostri anno quinto