Charter Document - 03392028
| Charter Number: | 03392028 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1236 - 1238 |
| Date type: | Assigned |
| Resource Link(s): |
Reference Document for this Embedded Document |
Charter:
Iohannes Ruffus et heredes sui ac ceteri successores eiusdem clericos suos successive ad electionem et voluntatem dicti Iohannis et heredum ac successorum suorum dicto magistro Egidius ac successoribus suis qui pro tempore dictam prebendam possidebunt ad prefatas decimas libere et sine contradictione tanquam patroni earundem inperpetuum presentabunt Et dictus magister Egidius et successores sui clericos pro tempore presentatos a prefato Iohanne et successoribus suis et a dicto magistro Egidius et successoribus suis examinatos absque malitia et cavillatione ad dictas decimas nomine prebende de Lavincton admittent et investient eosdem Si autem clericus pro tempore presentatus ad dictas decimas minus ydoneus reperiatur remanebunt dicte decime in sequestrum penes magistrum Egidius et successores suos donec ydoneus representetur ad easdem ita tamen quod canonicus qui pro tempore dictam prebendam possidebit pretextu retentionis dicti sequestri in examinatione dictorum clericorum se difficilem non exhibebit vel malitiosum Dicti vero clerici qui dictas decimas pro tempore possidebunt excepto Nicholao de Wich quem prefatus magister Egidius ad presentationem prefati Iohannis Ruffi dictis decimis investivit quo etiam presente et consentiente hec omnia fuerant actitata unam marcam argenti magistro Egidius et successoribus suis nomine perpetue pacis annuatim apud Lavicton persolvent ad duos anni terminos scilicet infra octavas sancti Michaelis dimidiam marcam et infra octavas Pasche dimidiam marcam Dictus vero Nicholaus de Wich quamdiu decimas illas possidebit dimidiam marcam tantum magistro Egidius et successoribus annuatim persolvet eodem modo quo scilicet successores sui eo cedente vel decedente predictam marcam persolvent et ad eosdem terminos scilicet infra octavas sancti Michaelis quadraginta denarios et infra octavas Pasche quadraginta denarios Ita scilicet quod dicti magister Egidius et Iohannis vel successores sui plus iuris quam suprascriptum est in dictis decimis vendicare non possunt Dicti etiam clerici qui pro tempore dictas decimas tenebunt iuramentum fidelitatis et canonicam magistro Egidius et successoribus suis obedientiam prestabunt et quod dictam pecuniam prout superius expressum est sine fraude dolo et cavillatione persolvent Hanc vero compositionem inperpetuum fideliter tenendam magister E nomine prebende sue de Lavincton pro se et successoribus suis et prefatus Iohannes pro se et heredibus suis corporaliter affidaverunt