Charter Document - 03392010
| Charter Number: | 03392010 |
|---|---|
| Cartulary Title: | Salisbury 1229-1262 Volume 36 |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1240 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Universis Cristi fidelibus presens scriptum visuris vel audituris magister Rog[erus] de Sapwyk et Nicholaus de Preston salutem Cum inter Hugonem rectorem ecclesie de Boxore ex una parte et abbatem et conventum Abendon ex altera super annua pensione centum solidorum de novo adaucta ut idem Hugo asserebat reliqua pensione scilicet unius dolii vini ad missas vel viginti solidorum ab eodem Hugone nomine ecclesie sue eisdem monachis debita in suo statu remanente coram decano Exon et suis collegis auctoritate apostolica questio verteretur ac dicti abbas et conventus litem per procuratorem essent legittime contestati cumque dictus procurator aliam procuratorem de concensu dictorum abbatis et conventus constituisset prefati iudices contra iustitiam eum admittere recusarunt Propter quod dicti abbas et conventus sentientes se indebite gravatos sedem apostolicam appellarunt ac super appellatione sua ad Sancti Botulfi Colecestr de Hetfeld Regis et de Dunmawe prioribus litteras sub hac forma impetrarunt [] Cum vero memorati duo principales iudices appellationis tertio in totali causa legittime excusato nobis iurisdictionem suam tam super principali quam super appellatione in solidum commisissent partibus in presentia nostra sufficienter constitutis auditis hinc inde propositis per legittima documenta evidenter apparuit dictos abbatem et conventum rite et ob legittimam causam appellasse Nos vero dictis appellatione et eius causa diligenter examinatis habito iurisperitorum concilio pro appellatione et eius causa et pro nostra iurisdictione pronuntiamus quicquid post appellationem temere fuerat attemptatum in irritum revocantes et in principali fore procedendum decernentes viso postea processu cause coram primis iudicibus habite et diligenter allegationibus partium intellectis ad sui defensionem dicti abbas et conventus cartam et ordinationem bone memorie Herberti Sar episcopi et confirmationem capituli eiusdem loci et etiam confirmationes papales et alia instrumenta et defensiones quamplures exhibuerunt ex quorum inspectione sufficienter et iudicialiter constabat dictam pensionem centum solidorum legittime concessam esse et confirmatam monachis memoratis Nos igitur habito virorum prudentium concilio diligenter inspectis et intellectis et cum plenissima deliberatione examinatis editione dicti Hugonis et contestatione dictorum monachorum et omnibus instrumentis dictam causam contingentibus quibus partes in iudicio utebantur tam ad probandum quam ad defendendum videlicet litteris apostolicis ad primos iudices impetratis ex parte dicti Hugonis commissionibus etiam ad nos factis et instrumentis tam concessionis quam confirmationis eiusdem omnibus rite et solempniter peractis invocato dei omnipotentis nomine et solum deum pre oculis habentes sententiam in scriptis tulimus sub hac forma []